o festival
batalla de grupos
feira 13R
asociación
contacto
Un ano máis, queremos consolidar un espazo de cultura e música popular na que se sintan identificadas tódalas veciñas e veciños da Ribeira Sacra.
Dito evento é feito en “O Castro” de Sta. María de Ferreira, Pantón. Consta de varios espazos nos que se mesturan a gastronomía da nosa terra coa cultura e a artesanía, facendo unha simbiose perfecta. Cremos na realización dun festival que misture os mellores caldos das nosas ribeiras, a gastronomía, a artesanía galega e a música en directo. Así mesmo, coa organización deste evento búscase que traia consigo beneficios económicos para Pantón e para os concellos limítrofes.
Cada ano buscamos que siga crecendo ata conseguir que sexa un punto de referencia cultural e musical non só na Ribeira Sacra senón no resto de Galicia, e sirva como punto de atración para que xente doutros lugares se poida acercar durante esa fin de semana a disfrutar das nosas ribeiras e de toda a riqueza paisaxística e gastronómica da nosa terra Sacra.
O Trece Roeis Fest busca aportar un gran máis para conseguir que a Ribeira Sacra sexa declarada Patrimonio da Humanidade nos vindeiros anos despois de haber sido declarada Reserva da biosfera pola UNESCO, así coma potenciar o camiño de inverno que pasa pola nosa bisbarra neste ano Xacobeo.
A ORIXE
Trece Roeis Fest nace pola inquietude dun grupo de amigas e amigos da Ribeira Sacra, que a pesar de ser de diferentes idades e gustos, deciden apostar pola Cultura en diferentes espazos, creando unha marca por e para o pobo no que ano tras ano sexa máis recoñecible en todo o país. A organización deste evento corre ó cargo da Asociación Cultural “Os Trece Roeis”, tendo o seu seo no Concello de Pantón, pero contando con colaboradores e colaboradoras dos distintos municipios do redor como O Saviñao, Sober ou Monforte entre outros.
OBXECTIVO
O principal fin do Trece Roeis Fest é fomentar e traballar polo acercamento da poboación galega ás tradicións, cunha posta en escea dun espazo de cultura e música popular que contribua o dinamismo cultural, á estimulación de zonas creativas culturais cunha gran implicación da xente da Ribeira Sacra para conseguir que isto se poida levar a cabo.
Ó longo do ano trataremos de pór en liza todo tipo de colaboracións con outras asociacións que compartan a nosa idea de recuperar as nosas raíces, e sempre que nolo permita a pandemia.
En definitiva, que sexa un espazo onde se respeten as nosas tradicións, o noso idoma, o galego, ademáis de que sexa un lugar onde se potencien os caldos das nosas ribeiras e sempre ben acompañados da nosa riqueza gastronómica.
RIBEIRA SACRA
É o eixe sobre o que xiran ambos eventos, tanto o Trece Roeis Fest coma a Batalla de Grupos Trece Roeis. Os dous festivais buscan ser un reclamo turístico para que a xente se acerque a Ribeira Sacra sendo así un incentivo máis para a zona, ofrecendo un produto diferente e distinguido. Dous fines de semana cargados de artesanía, música, gastronomía…, todo elo saboreado cos mellores caldos das nosas ribeiras.
Na primeira edición foron máis de 22 bodegas as que colaboraron connosco e das cales puidemos degustar os seus mellores viños. Formando dúas delas a día de hoxe, parte dos nosos patrocinadores principais
CEAS 13ROEIS
